सांगली वार्ताहार : महाराष्ट्र रायफल असोसिएशन मुंबई (वरळी) येथे झालेल्या २७ व्या कॅप्टन एस.जे. इझीकल राज्यस्तरीय रायफल शूटिंग चॅम्पियनशिप स्पर्धेत “टार्गेट फॉर गोल्ड रायफल शूटिंग अकॅडमी सांगली” येथील खेळाडू चि. अवनीश सुरेंद्र पाटील याने १० मीटर एअर रायफल प्रकारात ४०० पैकी ३९१ गुण मिळवत सब-युथ, युथ, ज्युनिअर व सिनियर या चारही वयोगटांमध्ये ४ सुवर्णपदक मिळवत मोलाची कामगिरी केलेली आहे.
चि.अवनीश सुरेंद्र पाटील हा इयत्ता ७ वी मध्ये पोदार इंटरनॅशनल स्कूल सांगली येथे शिकतआहे. त्याचे प्रशिक्षक श्री. प्रवीण गुरव व प्राचार्य श्री. गणेश पाटील यांचे मोलाचे मार्गदर्शन लाभले आहे.
चि.अवनीश पाटील हा श्री.सुरेंद्र पाटील जिल्हा गुण नियंत्रण निरीक्षक सांगली यांचा मुलगा असून त्याचे शासकीय,राजकीय सामाजिक अशा सर्व क्षेत्रातून अभिनंदन केले जात आहे. तसेच त्यांची प्री-नॅशनल स्पर्धेसाठी निवड झालेली आहे.